دفرحت خبری آژانس دخبرله مخی،ننګرهار ولايت د خوږياڼو ولسوالۍ د وزيرو سيمې د مرکزي جومات خطيب او د مدرسې استاد مولوي سيد حضرت حقاني نن له غرمې وروسته شا او خوا درې بجې د جلال اباد ښار د اوومې ناحيې په مربوطاتو کې د ناڅرګنده موټر سايکل سپور وسله وال له لورې په شهادت ورسول شو.
مولوي سيد حضرت حقاني د خوږياڼو په ولسوالۍ کې د وروستيو امنيتي ستونزو له امله جلال اباد ښار ته را کډه شوی و او څه موده وړاندې يې د داعشيانو له لورې په وزيرو سيمه کې د نوموړي کور هم سوځول شوی و
تراوسه داپیښه چا پرغاړه ندی اخستی.
