د فرحت خبري اژانس د خبر له مخې د ننګرهار ولایت سره رود ولسوالۍ اړوند رینګ روډ سیمه کې د وسله والو مخالفینو له لورې په ډزو سره دوه ترافیک پولیس شهیدان او دوه نور یې ټپیان کړل . پېښه نن له غرمې وروسته شاوخوا درې نیمې بجې هغه مهال رامنځته شوه،کله چې ترافیک پولیسو په یاده سیمه کې ترافیکي کنټرول کوو،چې د یوې ریکشا څخه درې تنو ترویستانود راښکته کېدو سره سم په ترافیک پولیسو ډزوې وکړې. د دې ډزو په ترڅ کې دوه ترافیک پولیس شهیدان او دوه نور ټپيان شول،خو د یو تن ترافیک پولیس له لورې په ټپي حالاتو کې یو تن ترویست،چې یو میل تفنګچه هم ورسره وه،په ډزو سره ټپي کړای شو. ټپي شوی کس د مګړۍ په ملي امنیت ریاست کې څېړنې رواني دي. د دوو تنو ټپي شوو ترافیک پولیسو روغتیایي وضعیت د ډاډ وړ دی.
عبدالقیوم ریحان(ننگرهار)
