د ننګرهار ولايت بهسودو ولسوالۍ اخندزاده صاحب سيمه کې تيره ورځ مازديګر ناوخته دريو موټر سايکل سپرو د مولوي غلام فاروق په نوم يو ديني عالم په ډزو سره شهيد کړ.
پېښه هغه مهال رامنځته شوه، چې کله ياد ديني عالم له جلال اباد ښار څخه چپرهار ولسوالۍ ته د خپل ورور الټو موټر کې د حرکت په حال کې و.
شهيد مولوي غلام فاروق د چپرهار ولسوالۍ د للمې اوسیدونکی دی او د للمې په لېسه کې يې د استاد په توګه دنده تر سره کوله.
امنيتي ادارو په سيمه کې د يادې پېښې د څيړلو او مجرمينو نيولو په موخه جدي پلټنې پيل کړي .
موټر سايکل سپرو وسله والو يو ديني عالم شهيد کړ
