په سنګره دره کې د افغان ځانګړو ځواکونو په عملیاتو کې د مخالفینو د یو قوماندان په ګډون ۴ کسه وسلوال وژل شوي او ګڼ شمېر نور یې زخمیان شوي دي تېره شپه افغان ځانګړو ځواکونو د الینګار ولسوالۍ اړوند د سنګره درې د شغالانو، مندوزیو او شا و خوا کلیو کې چرته چې د مخالفینو اصلي پټنځایونه او ځالې دي، خاص هوايي او ځمکني عملیات کړي چې د لومړنیو معلوماتو له مخې د دغو عملیاتو په ترڅ کې د مبارز په نوم د مخالفینو یو مشهور قوماندان، رحیم الله او دوه تنه نور چې شهرت یې لا څرګند نه دي، وژل شوي او د قوماندان جانان په ګډون ګڼ شمېر نور یې شدید زخمیان شوي دي. یاد سرګروپ او وژل شوي نور مخالفین هغه کسان ول چې په الینګار ولسوالۍ سربېره یې د مرکز په ځینو سیمو او دغه راز غربي نورستان ته غځېدلې لوی لارې په اوږدو کې یې په په ډېری تروریستي کړنو، د ماینونو په ځای پر ځای کولو، د وسلو په قاچاق او د بې ګنا انسانانو د وینو په تویولو کې لاس درلود چې له وړاندې د امنیتي ځواکونو تر څار لاندې وه، چې تېره شپه پرې د تخنیکي او کشفي معلوماتو تر بشپړېدو وروسته د افغان ځانګړو ځواکونو له لوري عملیات تر سره شوي. د یادونې ده چې د وژل شویو کسانو جسدونه لا هم په سیمه کې دي.
د لغمان په سنګره دره کې د افغان امنیتي ځواکونو په ځانګړو عملیاتو کې ۴ تنه وسله وال مخافلین وژل شوي دي
مطلب قبلیدوه اويا ليتره الکولي مشروبات او یو اندازه هیروين ونيول شول
مطلب بعدیآمرامنیت فرماندهی پولیس لوگر ازیک حمله انتحاری جان به سلامت برد
