ننګرهار ولايت مرکز جلال اباد ښار کې پوليسو په کرولا ډوله موټر کې دوو تنو سره ۷۲ ليتره الکولي مشروبات او يو اندازه هيروين ونيول. د معلوماتو له مخې دغه الکولي مشروبات او هيروين په ياد موټر کې په ډېر مهارت سره ځای پر ځای شوي و. د دغه الکولي مشروباتو او هيروينو په تور دوه تنه نيول شوي او تر پوښتنو لاندې دي. دغه راز په ورته وخت کې د جلال اباد ښار په مربوطاتو کې يو تن د نشه يي توکو پرچون پلورونکی، يو تن د غلا او بل د تومانچو د ۳۶ فیره مرمیو او پلاستيکي ولچکونو سره نيول شوي او ترې پوښتنې روانې دي.
عبدالقیوم ریحان فرحت خبری آژانس (ننګرهار)
