دفرحت دخبری آژانس په ریپود، نن ماښام شا و خوا پینځه بجې او شل دقیقې د الینګار ولسوالۍ اړوند د نور لام صیب درې په ایله ګل سیمه کې د مخالفو وسلوالو په یو فلاینکوچ موټر ماین انفجار کړی، چې د قوماندان قسیم مشهور په عباس په ګډون په کې اووه نفر ( خان محمد ګجر ـ نواب ـ قلندر ـ اعجاز الحق ـ زبیر او نیاز ګل ) وژل شوي او همدارنګه د بادپښ ولسوالۍ لپاره د وسلوالو مخالفینو د پخواني نام نهاده ولسوال الفت هاشمي په شمول په کې ۹ نور وسلوال مخالفین زخمیان شوي دي. پېښه هغه مهال رامنځته شوې چې یاد وسلوال مخالفین د ایله ګل سیمې ته د تروریستي پلانونو د طرحه کولو په موخه یوې غونډې ته روان ول. دغو کسانو په الینګار ولسوالۍ کې له ډېره وخته تروریستي کړنې تر سره کولې او په ډېری ورانکارو فعالیتونو کې یې لاس درلود.
عبدالقیوم ریحان(لغمان)
