ریاست جمهوری افغانستان بانشر خبرنامه ی گفته است بر اساس پیشنهاد ریاست عمومی اداره امور ریاست جمهوری ومنظوری محمد اشرف غنی رئیس جمهور افغانستان، محمد هارون چخانسوری سخنگوی مقام عالی ریاست جمهوری تبدیلاً در بست مافوق رتبه بحیث معاون انسجام امور دولت ریاست عمومی اداره امور ریاست جمهوری افغانستان تقرر حاصل نموده است.
آقای چخانسوری تحصیلات عالی خویش را تا سطح ماستری در بخش اداره‌عامه و پالیسی در پوهنتون سیدنی آسترالیا به اتمام رسانده است. موصوف پیش از این به حیث رییس تشریفات ریاست جمهوری و قبل از آن در بانک جهانی ایفای وظیفه نموده و بیش از ۱۲ سال در دوایر دولتی و غیر دولتی در زمینه‌های انسجام، پالیسی‌سازی و مدیریت برنامه‌ها کار کرده است.
